Premiu al Meyor Cantar

La Conseyería d’Educación y Cultura del Principáu d’Asturies aprueba la convocatoria del “Premiu al Meyor Cantar” en llingua asturiana o en gallego-asturianu, na so décima edición, dirixíu a consolidar, arriquecer y prestixar la llingua y la cultura asturiana.

Van poder presentase los músicos, a títulu individual o dientro de grupos, que comercializaren dalguna canción orixinal de cualquier xéneru a lo llargo del añu 2016, quedando escluyíes les pieces tradicionales yá existentes, las versiones o adaptaciones d’obres de creación publicaes orixinalmente n’otra llingua, y los cantares que nun s’editaren y grabaren pela primer vez nel periodu referíu.

Los intérpretes o grupos interesaos han presentar solicitú según modelu normalizáu (Anexu I).

Les solicitúes hai que les presentar nel Rexistru Xeneral del Principáu d’Asturies (cai Trece Roses, n.u 2, planta plaza, 33005, Uviéu), o per cualquiera de los medios establecíos n’artículu 38 de la Llei de Réxime Xurídicu de les Alministraciones Públiques y del Procedimientu Alministrativu Común.

Los interesaos han presentar o mandar la solicitú y la documentación hasta’l 30 de xunetu de 2017.

Más información: BOPA de 30/06/2017

Anuncios

,

A %d blogueros les gusta esto: